Jine us tae celebrate Scots language and culture wi a gaitherin o kenspeckle fowk fae aw the airts includin Award Winnin Comedian, Bruce Fummey and former Scots Scriever and poet, Hamish Macdonald at the 4th Scots Language Awards.
The Awards is an annual celebration o aw that’s guid in Scots. Oor aim is tae gie weel-deserved recognition tae organisations and individuals committit tae the Scots leid in the fields o literature, sang, education, business, activism and juist by speakin it.
Social media star Len Pennie and scriever and broadcaster Alistair Heather invite ye aw tae the Gardyne Theatre, Dundee for a braw nicht o music, poetry, blethers and fun. Wha’ll win ane o the 11 coveted Scots Language Awards, amang them Scots Speaker o the Year, Scots Performer o the Year and the prestigious Services tae Scots Award, in honour o the late much-loved Scots makar, Janet Paisley?
Noo in its 4th year, this unique award ceremony gangs back tae bonnie Dundee.
Nominations will open 18th July – 14th August 2022. Voting will be 5-18th September.
(From Hands up for Trad) 0