A poem by John Black, Head Teacher at Meethill Primary School in Peterhead:

Lang Covid:

Fan Covid comes an’ Covid goes

It leaves ye kinda wabbit

It mak’s ye thank yer lucky stars

Ye bothered te get jabbit.

The snotters clear, the hoastin’ goes

Ye think for work ye’re ready

But nae lang eence ye’re ower e door

A’ ye’re needin’s yer beddie.

So weer yer masks an bide awa

Fae a’ the orra vratches

Dicht yer han’s an’ surfaces

Han’les, knobs an’ latches

Open windaes, bide apart

Ye manna get me wrang,

Ye really dinna want it –

Be it Covid Short or Lang.